What's New
Minniháttar viðhaldsuppfærsla
App Description
Dýr í hættu er gagnvirkt námsefni í tölfræði fyrir börn á aldrinum 9-12 ára þar sem barnið fer í hlutverk aðstoðarmanns vísindastofnunar sem vinnur við að rannsaka og skrásetja líf og umhverfi dýra í útrýmingahættu.
Forritið er byggt upp á raunhæfum verkefnum í tölfræði og nýtist best sem viðbótarefni við hefðbundna tölfræðikennslu. Þema forritsins er dýr í útrýmingarhættu og það er fullt af upplýsingum um dýr og umhverfismál. Það hentar því vel í þemavinnu um umhverfismál eða dýrafræði, eða sem afþreying fyrir krakka sem hafa áhuga á dýrum.
UPPBYGGING
Efninu er skipt í níu kafla eða borð. Hver kafli fjallar um ákveðið dýr eða annað efni sem tengist þemanu. Í hverjum kafla er einnig unnið með afmörkuð tölfræðihugtök. Í kaflanum Ísbirnir er t.d. unnið með tíðnitöflur, tíðni og tíðasta gildi en í köflunum Leðurskjaldbökur og Nashyrningar er unnið með súlurit.
Kaflarnir eru eftirfarandi: Ísbirnir, Leðurskjaldbökur, Pöndur, Nashyrningar, Górillur, Tígrisdýr, Staða tegunda, Náttúra í hættu og Veiðiþjófar.
Farið er í eftirfarandi tölfræðileg hugtök: tíðnitöflur, tíðni, tíðasta gildi, súlurit, hæsta gildi, lægsta gildi, tíðasta gildi, meðaltal, miðgildi, línurit, skífurit,
Í upphafi hvers kafla fær notandinn upplýsingar um það dýr eða efni sem kaflinn fjallar um. Þegar kynningunni er lokið á notandinn að leysa tölfræðileg verkefni um efni kaflans. Í verkefnunum þarf stundum að svara spurningum upp úr gögnum og tilbúnum ritum eða búa til rit úr gögnum. Sem dæmi má nefna að í pöndukaflanum á meðal annars að finna út hvað einn pönduhópur borðar mikinn bambus á dag að meðaltali og í nashyrningakaflanum á að búa til súlurit yfir hornastærð nokkurra nashyrninga.
Milli verkefna í hverjum kafla birtast áhugaverðar upplýsingar um viðfangsefnið.
Þegar kafla er lokið fær notandinn viðurkenningu í formi upplýsingaspjalds um viðeigandi dýr. Upplýsingaspjaldið birtist í dýrabókinni sem má opna á forsíðu forritsins.
Inn í forritinu er að finna ítarlega hjálp, bæði til að leiðbeina við notkun á forritinu og til að útskýra þau tölfræðilegu hugtök sem unnið er með.
***
Vissir þú að á síðustu 500 árum hafa um það bil 800 dýrategundir dáið út?
***
iPad Screenshots
(click to enlarge)
App Changes
- December 08, 2015 Initial release
- December 16, 2015 New version 1.01
- January 05, 2016 Price decrease: $3.99 -> $2.99
- July 30, 2016 Price decrease: $2.99 -> $1.99
- November 09, 2016 Price increase: $1.99 -> $4.99
- June 14, 2019 New version 1.03
- July 15, 2020 New version 1.04
Other Apps From Gebo Kano ehf.
